ਖ਼ੂਨ
ਸ਼ਹੀਦਾਂ ਵਾਲੇ , ਦੀਵੇ ਚਾਨਣ ਕਰਦੇ ਨੇ ।
ਦਿਲ ਦਾ ਨ੍ਹੇਰਾ ਦੂਰ ਕਰਨ, ਇਹ ਦੀਪ ਨਜ਼ਰ ਦੇ ਨੇ ।
ਕਰਕੇ ਯਾਦ ਹਬੀਬਾਂ ਤਾਈਂ, ਹੰਝੂ ਪੀ ਲੈਂਦੈ,
ਦਰਦਮੰਦਾਂ ਦੇ ਦਰਦੀ, ਹੁਣ ਵੀ ਹੌਕੇ ਭਰਦੇ ਨੇ ।
ਭੁੱਲ ਬੈਠੀ ਹੈ ਕਿੰਝ ਜਵਾਨੀ, ਵਤਨ ਪ੍ਰਸਤਾਂ ਨੂੰ,
ਭੀੜਾਂ ਪੈਣ ਤੇ ਦਿਲ ਦੇ ਬੂਹੇ, ਕਿਉਂ ਬੰਦ ਕਰਦੇ ਨੇ ?
ਕੋਰਸ ਦੀਆਂ ਕਿਤਾਬਾਂ ਵਿੱਚ, ਨਾ ਨਾਮ ਸ਼ਹੀਦਾਂ ਦੇ,
ਜਿੰਨ੍ਹਾਂ ਕਾਲੇ ਪਾਣੀ ਪੀਤੇ, ਘੁੱਟ ਸਬਰ ਦੇ ਨੇ ।
ਜਿਨ੍ਹਾਂ ਦੇਸ਼ ਅਜ਼ਾਦ ਕਰਾਇਆ, ਘੋਰ ਗੁਲਾਮੀ ਤੋਂ,
ਸਾਨੂੰ ਮਾਣ ਉਹ ਤਾਂ ਬੰਦੇ, ਸਾਡੇ ਘਰ ਦੇ ਨੇ ।
ਚੌਰਾਹਿਆਂ ਵਿਚ ਖੜ੍ਹੇ ਹੋਏ, ਜੋ ਬੁੱਤ ਸ਼ਹੀਦਾਂ ਦੇ,
ਭ੍ਰਿਸ਼ਟਾਚਾਰ ਨੂੰ ਖਤਮ ਕਰਨ ਦੀ, ਹਾਮੀ ਭਰਦੇ ਨੇ ।
'ਹਿਰਦੇ' ਆਪ ਉਹ ਖਤਮ ਨੇ ਕਰਦੇ, ਆਪਣੀ ਆਤਮਾ ਨੂੰ,
ਜੋ ਕਹਿੰਦੇ ਨੇ ਰਿਸ਼ਵਤ ਬਿਨ ਤਾਂ, ਕੰਮ ਨਾ ਸਰਦੇ ਨੇ ।
ਖ਼ੂਬਸੂਰਤ ਪੇਸ਼ਕਾਰੀ ਹਿਰਦੇਜੀਤ ਮੈਡਮ!
ReplyDeleteਨੀਲ
+91-94-184-70707